கடைக்கண்: உண்மை எப்படி பொய்யாகும்?

Monday, July 26, 2010

உண்மை எப்படி பொய்யாகும்?

விந்தையைப் பார்த்தாயா
நான் உன்னைப் பற்றி
உண்மையைச்
சொல்லிக்கொண்டிருக்கிறேன்
உலகம் இதைக்
கவிதை என்கிறது!
உண்மை எப்படி
பொய்யாகும்?

-தமிழ் வசந்தன்

கடைசியாய் கண்டபோது. . .

எத்தனை காலம்
கழிந்துவிட்ட பிறகு. . .

எத்தனை வலிகள்
எத்தனை ரணங்கள்
எதிர்ப்புகளையும்,
வஞ்சகங்களையும்
தாண்டி. . . .

உன் வீட்டில்
என்ன நடக்கும்
யாரெல்லாம் இருப்பார்கள்
என்னைப் பார்க்கிற போது
எப்படி நடந்து கொள்வார்கள்
எல்லா கேள்விகளுக்கும்
துணிந்து. . . .

பல சஞ்சலங்களையும்,
சபலங்களையும் கூட
கடந்து. . . .

புனிதமான காதலை
நெஞ்சிலே சுமந்து
வாஞ்சையோடு மறுபடியும்
உன்வீட்டு வாசலில்
வந்து நின்ற என்னிடம்
நீ சொன்ன வார்த்தை

"வராதே போய்விடு"

-தமிழ் வசந்தன்